Ēēlee

Ēēlee: O e la mɔdoŋa kaŋa a te seŋ mɔnaabo bee naabo kaŋa zu bone ba naŋ maŋ iri a vore puo a peɛlɛ manna ne daworo bee a terɛ ne duoro.

Ēelee Peɛloo Wagere

Ēēlee peɛloo wagere : ka yeli wa e bee kpɛ, ba maŋ peɛle la ēēlee a te seŋ ka Dɔɔ bee pɔgeŋ wa yi a ba kpɛ, ba maŋ de la a ēēlee peɛle ana boɔle noba lantaa ka ba kpɛ ba bɔgɔ bee ka ba yi bɔ ba. Ka dɔɔ wa la yi a ba kpɛ, ba maŋ peɛle la a ēēlee gbɛre bota, ka noba naŋ woŋ bee a peɛle zo ta soore bone naŋ la kpɛ. Ka pɔge meŋ wa la yi a ba kpɛ, ba maŋ peɛle la a ēēlee bonaare ka noba naŋ peɛle pãã soore ka ba manne bone na naŋ la kpɛ. A yi a ama puoriŋ ba maŋ la peɛle la ēēlee Mɔ-yɔ saŋa a manne be naŋ la ka ba duoro a weɛ, a ne be naŋ la ka a weɛ na yɛre tu. Mɔ-yɔ ēēlee eŋ peɛloo, ba maŋ peɛle o la lɛɛŋ ka zie te nyaa bee a ta bebie ayi bee a ta daa gbuli gba. Ka ba naŋ wa kpeɛrɛ a weɛ meŋ, ba maŋ taa la a ēēlee kpɛ ne a moɔ ka ba naŋ wa te ko mɔdoŋkpoŋ, ba maŋ peɛle la a ēēlee ka noba naŋ yɛre gaa tɔba zo ta a soŋ. Ka neɛ meŋ la a wa pere a weɛ poɔ meŋ, ba maŋ la peɛle la a ēēlee ka noba zo ta a soŋ faa a o soba. A weɛ yi waabo meŋ poɔŋ, ba maŋ la peɛle la, a wulli ka ba zaa wa la yiri ne laafeɛ. A yi a mɔ-yɔ ŋa meŋ puoriŋ, Naa bimbo saŋa meŋ ba maŋ la peɛle la ēēlɛ a wullo ba popeɛloŋ naŋ seŋe lɛ a ne a ba naa paalaa.

Tenne Na Ba Naŋ Peɛlɛ A Ēēlee

Tenne mine ba naŋ peɛle ēēlee la.Tizza, Duori, Gyefeere , Domwine, Eremon. Ane amine kaŋa.