Ŋenseɛ Peeroo

Nenseɛ e la boɔlaa kaŋa Dagaaba naŋ de ko nensaalesɔgelaa dɔsuole ata kyɛ, a ata soba la ka Dagaaba boɔlɔ nenseɛ. A nenseɛ ŋa Dagaaba naŋ de ko a boɔlɔ ŋa wuli ka nensaala nyɔvore la, bonso o maŋ be la a nensaala eŋgane poɔ. A lɛ wuli ka a nenseɛ ŋa taa la faŋa bee kpeɛoŋ yaga a nensaalba eŋgane daa, a ŋaa wuli ka a nenseɛ la a nyɔvore a eŋgane eŋɛ. A nenseɛ ŋa naŋ e a nensaala nyɔvore wa yi a eŋgandaa eŋɛ, Dagaaba taa la eebo bee maaloo ba naŋ maŋ e bee maale ka o leɛ wa kpɛ a nensaala eŋɛ. A wuli ka ba naŋ ba wa tõɔ e a eebo na bee a maaloo na, a dosuoloŋ ŋa naŋ yi ko o leɛ wa kpɛ a eŋgane eŋɛ, a soba dosuoloŋ bee seɛ naŋ na baŋ kɔŋ la o nyɔvore bee leɛ Ŋmene toɔre, bonso , o soba nyɔvore la lɛ naŋ yi gaa.