Cletus Avoka

Cletus Apul Avoka e la Ghana lɔɔya, pɔleteesa ane mɛmba ko a Ghana Begemaale Die. O are ko la Zebilla East gbandige, naŋ be Upper East region poɔ. O e la Kataweɛ paati bie.

Cletus Avoka

nensaala

Dɔɔ bee pɔge bee dɔgebo	dɔɔ
Dɔgebo paaloŋ	Ghana
Dɔgebo bebiri	30 Nyɔgevennebare 1952
Dɔgebo zie	Zebilla
Kɔkɔyelii, sɛge ne bee goligoluu	Bɔrefɔ, Twi
Tonnoɔre	Lɔɔyɛ
Zanne la	University of Ghana, Ghana School of Law, Navrongo Senior High School
Politikal paati mɛmba	Kataweɛ paati
Ŋmene bee sagediibu	Kiristaaloŋ

O na da la a neŋ yaga wɛderɛ a palemɛte poɔ. O wagre na, ona da la kaara a emmaaroŋ yɛlɛ a teŋɛ poɔ. O da la e la a Ghana wagyɛre ane koɔla kaabo.

O Baabo ane o sakuuri gaabo

Ba dɔge la Cletus April Avoka 30 November 1951. O yi la Teshie naŋ peɛle Zebilla a Upper East Region poɔ. Navorongo Secondary Sakuuri ka o gaa. University of Ghana la ka o nyɛ a law sɛtefekate 1976 poɔ. O la gaa la Ghana School of Law be ka o nyɛ o Bachelor degree ne Law a yuoni 1978.

Pɔletese Yɛlɛ

2012 vootuu puoriŋ ona la ka ba iri ka da e a begemaale die mɛmba neŋyaga wɛderɛ ka o leɛre Benjamin Kunbuor a begemaale die ayoɔbo soba. O da e la emmaaroŋ ane zemboe minista Ata Mills naa poɔ.

O naaŋ dɛndɛŋ soba la o naŋ waa Minista ko Lands and Forestry a Jerry Rawlings gɔmenante saŋa. O daaŋ waa la a begemaale mɛmba kaŋa ko a Bawku West constituency naŋ be a Upper East region a Ghana poɔ a yi a yuoni 1993 wa tɔ 2005.

A yuoni 2008 begemaale vootuu saŋa, o la maaleŋ kpɛ la a begemaale die a yiiloŋ begemaala soba ko a Zebilla constituency a kyɛ piili o Ɔfere na toma a yuoni Gyɛnoɔre 2009.

2000 vootuu

Avoka da waa la begemaala ko Garu Tempane a yi a yuoni 2000 wa tɔ 2004. A yuoni 2000 poɔŋ, o di la a vootuu kpoŋ a waa a begemaala ko a Garu-Tempane constituency naŋ be a Upper East Region a Ghana paaloŋ poɔ. O da di la a Upper East Region vootuu na kyɛ saŋa na ka o da waa sommeŋa arekoro naŋ ba be paati zaa poɔ. Akudibila nyɛ la zunɔŋ ne 14,282 vootuu a yi vooti sonne zaa na poɔ.

Ka ŋaa da wulo 45.40% vootuu a yi a vooti sonne na zaa poɔ. O da ŋmaa la o dɔmanne na William Azuma Dominic naŋ yi a Kataweɛ Paati deme poɔ, William Pullam naŋ be a Peoples National Convention Party, Emmanuel S.N.Asigri a yi a Wɔɔ Paati deme poɔ, Tindogo D.Ashock naŋ be a Convention Peoples Party, Halid M.Yussif a yi a United Ghana Movement aneŋ Hamidu Sahanona naŋ be a National Reform Party.

Ŋaaŋ la ba kaŋa zaa nyeebo 12,224, 2,908, 1,360, 293, 246,138 vootiri a yi a vooti sonne zaa poɔ tu a yoe tuubo eŋaŋ. Ka lɛ paaŋ da wulo 38.90%, 9.20%, 4.30%,0.90%, 0.80%, 0.40% vooti sonne zaa poɔ tu a yoe tuubo eŋaŋ.

A yuoni 2008 Ghanaian vootuu kpoŋ saŋa, o nyɛ la 13,074 vootuu a yi a vootuu 32,215 sonne zaa ka lɛ wulo 40.50% a ŋmaa Appiah Moses naŋ da nyɛ 10,470 vootuu ka lɛ wulo 32.50%, John Akparibo a da nyɛ 6,701 vootuu ka lɛ wulo 20.80%, Sulley Awanni Agholisi a da nyɛ 1,461 vootuu ka lɛ wulo 4.54%, Azumah Yusif Ndago da nyɛ 273 vootuu ka lɛ wulo 0.85% aneŋ Atiah Kudugu meŋ da nyɛ 236 vootuu ka lɛ wulo 0.73%

O la maaleŋ di la a yuoni 2012 Ghanaian vootuu kpoŋ ne 21,900 vootuu a yi a 41,106 vooti sonne zaa poɔ ka lɛ wulo 53.28% a ŋmaa Frank Fuseini Adongo naŋ da nyɛ 17,082 vootuu ka lɛ wulo 41.56%, Mallam Yusuf Isa da nyɛ 1,739 vootuu ka lɛ wulo 4.23% aneŋ Atangnaba Abraham meŋ da nyɛ who 385 vootuu ka lɛ wulo 0.94%

O Nyɔvore

Avoka e la Catholic Kristabie. O taa la pɔge ane biiri banaare.

Leɛ Kaa Kyɛ Meŋ

• https://en.m.wikipedia.org/wiki/List_of_Mills_government_ministers