Dɛŋɛɛ Naŋ Gaŋ - Dagaare poem

Dɛŋɛɛ Naŋ Gaŋ Dɛŋɛɛ naŋ gaŋ e la sɛgekannebaŋ Bob Dery na sɛge eŋ a yelwiira poɔ.

Dɛŋɛɛ naŋ gaŋ,

Dɛŋɛɛ kom baare.

Piiri kɔmpɔge la leɛ sere kare.

Kpaŋkyaa meɛloŋ,

Suori ka yeli ba yɔɔ.

Seɛrɛ kyɛ waala.

Dogrɔ kyɛ kyeenɛ.

Mɔnɔ kyɛ toɔrɔ.

Ɔɔrɔ kyɛ fuoro.

Dire kyɛ ɔɔrɔ.

Peɛrɛ, ɔɔrɔ, kyoorɔ,Ogro, bara.

Seɛrɛ ɔɔrɔ kpaara lɔɔrɔ bara.

Mɔnɔ dire kpaara Zaara bara.

Tɔ di kpaa, kyɛ vig bare.

Nyu tuŋ tɔ, fãã kyɛ ogi.

Kɔre eŋ yage bare, kyɛ mɔŋ.

Yuoro ɔnnɔ yagraYaara bara.

Toɔre bare Ka a kpɛrɛ, kpɛŋkpɛrɛŋ.

Dɛŋɛɛ naŋ gaŋ,

Dɛŋɛɛ kom baare.

Piiri kɔmpɔgla leɛ sere kare.

Kpaŋkyaa meɛloŋ,

Suori ka yeli ba yɔɔ.

Dooga saŋ la,Ka naŋ yaara.

Bugo pareŋ peerɛ.

Nyeɛmɛ maŋ dire naŋ.

A zaaŋ iri tuuro teŋɛ.

A sigre ŋmerɛ ŋmerɛ.

A paala saŋ a gorɛɛ.

Taa zenɛ koŋ taa bie la.

Fɔɔre faa pare,Bana ka kɔŋ yɔ boɔrɔ.

Di ka boorɔ ko.

Doɔo la te waana,A mare kɔŋ kpeuu.

A ŋmɔgle noɔre ŋmɔglɔŋ.

A maŋ leɛ Nyere nyemɛ nyao.

A fogli niŋe ɔrpɛg.

A ŋmeene pare, Moɔrɔ kũũ.

Ka nuuri kyɔ bɔlɔ.Bieŋ tu teŋɛ.

Nyeɛmɛ la faa.Anaŋ sigre ŋmerɛ ŋmerɛ.

Dɛŋɛɛ naŋ gaŋ,

Dɛŋɛɛ kom baare.

Piiri kɔmpɔgLa leɛ sere kare.

Kpaŋkyaa meɛloŋ,

Suori ka yeli ba yɔɔ.

Dooga saŋ la,Ka naŋ yaara.

Di ta be, La kɔŋ damannaa.

K’o maŋ kpɛ manneKyɛ yi.

Fɔɔre faa pare,Di ko boorɔ la.

Yɛ saa la pore yuori faa,

Ka a yuori aŋ koora yɛ.

Nyɛ dooga yinni naŋ.

Di zenɛ koŋ di bie.

Yaare bare kyɛ leɛ kpaara.

Ɔŋyaaraŋ leɛTuuro purimo.

Dɛŋɛɛ naŋ gaŋ,

Dɛŋɛɛ kom baare.

Piiri kɔmpɔgla leɛ sere kare.

Kpaŋkyaa meɛloŋ,

Suori ka yeli ba yɔɔ.

Dooga saŋ la,Ka naŋ yaara.