Da- dãã Dogebo Gbɛdegre.
Dãã la Boŋ? dãã Dagaaba nyɔvore poɔ? Dãã e la bon- nyuura Dagaaba naŋ de maala ne yeli yaga ba ba nyɔvore poɔ. A yɛlɛ mine dãã naŋ maala la ama. Kuori yelɛ ,koɔbo, yɛlɛ, baaloŋ boɔlɔ, pɔge beɛli, pɔge kyɛrebo, teŋa yelimaale, kyɛ- ŋmɛ tiibo yuoni yuoni maaloo ane naŋkpãã tigiri. Dãã meŋ maana la koɔnyuuri kyɛ ire baloo.
Dãã Dogebo Gbɛtuuri.
maaleŋ- Fo maŋ de la kyi, kyɛrɛ bɛɛ gɔŋ a lɔre bebie saŋ te ta zimaane bee zimaane te nyaazie.
- Fo na kyoɔre la a kyi a vɛŋ ka koɔ zori.
- Fo na de la a kyi duo taalɛɛŋ ka a te buli: kyɛ ta eŋ vaare ka lɛ naa ne a dãã na e la tuo.
- Lage a kyi a nɔŋ kyɛ de ɔre beri ayi bee ata.
- Aŋaa a pãã leɛ la kpɛɛ de deɛli ka a ko.
- Nyaare a kpɛɛ a bu a sãã voɔlɔŋ dɔɔ eŋ.
- Bare ka a le ka fo dɛle a dãã zẽɛ kyɛ kɔre a biri doge ka a be.
- Kɔre a biri toloŋ eŋ a dããzẽɛ poɔ kyɛ pigire kaara te ta lɛ saŋ a naŋ mii.
- Dɛle a dããzu dogili kyɛ ŋmɛ voɔlɔŋ eŋ a biri naŋ kyɛre poɔ .
- Maala a vuu ennɛ a dããzu te ta lɛ saŋ a naŋ be. Ka fooŋ de a dãã kɔre ŋmane toŋ a dãã naŋ kpaara poɔ a leɛ o puori kaa ka o ko a bẽɛ la nyɔge kɔre.
- Dɛli a anaŋ meŋ fo naŋ dɔɔ ne a voɔlɔŋ doge ka a be ka fo kɔre. Ta puli taa sɛre, eŋ a ziyuo.
- Ɔŋ a dããzu mine eŋ laa yɛlɔŋ poɔ ka a mãã te e bolɔbolɔ ka fo su dããbelɛ kyɛ pigire kaara te ta saŋ na a naŋ boɔrɔ faroo ka fo de te kyiri eŋ a dããzu poɔ.
- Pigire kaara ka a wa fara ka fo de a dãã buyi fo beere a puli ne a dããzu a pãã dɛre eŋ dogebilii poɔ. Fo duge la a dãã baare ɔŋ nyuuro.