Dagaaba Tenne Yoe Nyaabo

Gyersɛge/Saadayeli kyaare ne 'Tampie' yuori nyeebo (The History/Myths concerning the anglicization of the name 'Tampie', in the Lawra District.

Ka Kurkumo Ba Seŋ Taa

Ka kurkumo ba seŋ taa ka a gyamaa naa wa sennɛ taa, kyɛ tatenne kɔɔre anuu meŋ ba yi taa bonso, lesiri ba yi taa. Azuiŋ, tatenne zaa ne ba sobie a toɔra ba naŋ tu kyɛ baŋ nyɛ ba yoe. Tampie e la tembile kaŋa naŋ kpɛ be Loraa sapareŋ sɛŋ, Ɔpa Wɛse Irigin poɔ.

Tembilii Mine Naŋ Kɔlage

Tembilii mine naŋ kɔlage o la Kondopeɛ/Nannyaare (Luou sɛŋ), Ɛremɔŋ-Naborenyɛ (Sapareŋ), Gbengbee (Sazu sɛŋ), ane Taŋyaga (Kɔmpare sɛŋ). Yiiluŋ/boorɛ mine te seŋ, Berfoɔlɛɛ, Dakpaalɛɛ, Naayiilee, Kowɛrɛɛ, ane Danteɛlɛɛ la zeŋ o poɔŋ. Kyɛ a teŋɛ eŋ Berfoɔlɛɛ la pãã so o, bana la noba naŋ daŋ te zeŋ o poɔŋ (tendeme/tembiiri), sɛre ka a ba kyɛlee na zaa meŋ wa te poɔ. Azuiŋ, bana la yaga a teŋɛ poɔ. Noba zaa naŋ be a teŋɛ poɔ gɛrɛ ŋa noba kɔɔraawae (900 inhabitants), yi a Ghana bɔnne/gɔvenɛte nensɔrbɔ kpaaroo deme sɔroo 2020 poɔ.

Gyersɛge/Saadayeli

Gyersɛge/Saadayeli vɛŋ ka te baŋ ka Tampie nyɛ la o yuori yi te sããkoma kaŋa naŋ yi Loraa-Berfɔ a da waa naŋkpaana. Ka a te sããkoma da yɔ la naŋkpãã-weɛ te sãã/yi ziekaŋa ba naŋ boɔlɔ Gɔnyaŋ-poɔ/goɔre poɔ (gɔzeere poɔ) bee Wɛlɛmbuleŋ (te sããkoma kaŋa ba naŋ da boɔlɔ Wɛlɛ, tue bulee a Gɔnyaŋ-poɔ ka ba de por ne a zie yuori Wɛlɛmbuleŋ) a da te bale o zaa ka kɔnyuuri da erɛ na kpɛle o. Ka kyɛ uoni saŋa da la, ka a lɛ da vɛŋ ka ziezaa ko o zaa. A be la ka ka o da te zeŋ gɔzeɛ kaŋa puliŋ a wa iri bie (libipelaa) lɔɔ ka a na wuli o bɔɔre (kõɔ zie). Be la a ba kɔɔre kyɛ ka o zeŋ wa woŋ ka sibie te voonɔ ziekaŋa, ka o iri tuuli a sibie konni te tara a nyɛ biire-maara fēē mine naŋ gaŋ ka a sibie ŋmaa gili, be la ka o deɛ te yage fēē lɛ ne o nuuri a tuori kõɔ a nyu.

A Yi A Be;

Yi a be la ka ba taa a zie na boɔlɔ Borbie, wulo ka be la ka te sããkoma da te lɔɔ a bie. Ka ba mine meŋ wuli sɛŋ ka a Borbie pare la, ka ba da tu la bibɔbɔ a bulee noɔreŋ ka a kõɔ-ɔnema maŋ te gboŋ saalaa viiri a borɔ kyɛ kyɛllɛ ka a wa ta o ka o iri gaa ɔŋ o toɔre. Wuli ka kõɔ naŋ da bebe la a saŋa na ka kyɛ ka a bulee na yoŋ la da waa zie a kõɔ naŋ maŋ bullo yaga, ka ka a lɛ da maŋ vɛŋ ka noba maŋ yi tatenne mine a seŋ, Duordemee, Taŋyaglɛɛ, Faalɛɛ ne ba kyɛlee na zaa da maŋ wa leɛ la saalaa gboŋ taa a be. Azuiŋ, te taa la a zie na zoma boɔlɔ Borbie-zoma, ka a waa Tampiele kyiire (te ba ɔɔr'a).

A Yi A Meŋ Puoriŋ

Yi a be puoriŋ la ka o la iri yɔ gaa niŋe fēē a te kyare/sãã dɔɔ kaŋa (Ɛremoɔlɛ dɔɔ) meŋ naŋ foɔ o ziekaŋa fēē a kpeɛrɛ. Be la a ba kɔmbɔ-dirii/dɛmmo-di poɔ la ka ka a wa te yi ka a te sããkoma yeli ka ka ona meŋ nyɛ sori ka o na wa foɔ la zie a be a zeŋ. Be la ka ka a Ɛremoɔlɛ dɔɔ yeli ka yelvelaa la, ba Kpateɛ moɔraa, ' ka dapɛrre gba boɔrɔ gyamaa ka vobɔ', ka o tao (tage)