Dannoŋ

Dannoŋ : Dannoŋ e la dɔre-emmo bee puuro(bu) yelnoore neɛ naŋ naŋ yeli ko o tɔ bee kyaare neŋ o tɔ soba naŋ e yelsoŋ kaŋa. Neɛ meŋ maŋ toɔ danne la omeŋɛ, kyaare neŋ yeli kaŋa o naŋ e. A e la gandayɛlɛ ba naŋ ma yeli ko neɛ a wullo o gandaaloŋ na seŋ lɛ. Dannoŋ maŋ vɛŋ la ka neɛ e yeli bee toŋ toma wioeŋ ane eŋyuo bee popeɛloŋ a ma e aŋa faŋa kaŋa ba naŋ de emmo.

Dannoŋ taa la parɛɛ mine

Dannoŋ parɛɛ e la ayi yoŋ; Anaŋ la

1)Teŋkõɔ bee bal dannoŋ

2) Neŋyeni dannoŋ/ dannoŋ yɛrɛɛ.

Teŋkõɔ dannoŋ e la gandaare bal yoe dannoŋ, tenne, teebo, ŋmemɛ, kolle, Doma ane a taa mine.

Neŋyeni dannoŋ bee dannoŋ yɛrɛɛ e la dannoŋ na na ba e teŋkõɔ bee bal dannoo, a dannoo ŋa maŋ e la neŋyeni bone ; a mine la Zɔɔzɔɔreba, seɛseɛreba, pɔge - boɔreba ane taa na mine.

Dannoo meɛroŋ

Dagaaba dannoŋ meɛroŋ ba waa la dendeŋe, Ona tõɔ e la yelbi- yeni; Aseŋ emɔ, dabaalakala, eto, ekye. Ane a taa mine.

A meŋ na baŋ waa la yelyaga bee e yelwiira: Aseŋ

a) Ayelelelelelei

Naa ba lonno

Saa ba waana

Fõõ la di naaŋ wuli naaŋ diibu

Ayelelelelei

Naa ba wonno

Ŋmenaa ba yuoro

Fõõ la di sarɛɛ wuli sarɛɛ diibu

Fo ba yele ka neɛ lenne.