Edward Osei-Kwaku

Edward Osei-Kwaku da e la Ghana lɔɔyɛ ane pɔleteesa. O da e la dɛpete Minisa ko yidaandɔɔloŋ yeltarre, ane pɔlɔ ne sarre ane kɔɔdenne Minisa Kufuor Naaŋ wagere. O meŋ da la e la begemaale die mɛmba ko a Asokwa West gbandige yi 7 Gyɛnoɔre 1997 te tɔ 6 Gyɛnoɔre 2005.

Edward Osei-Kwaku

nensaala

Dɔɔ bee pɔge bee dɔgebo	dɔɔ
Dɔgebo paaloŋ	Ghana
Yo-ennaa bee yoporaa	Edward
Kūū bebiri	15 Sentɔmbare 2005
Kɔkɔyelii, sɛge ne bee goligoluu	Bɔrefɔ
Tonnoɔre	Lɔɔyɛ
Voaraa	begemaale die ata mɛmba ko a Ghana republic anaare, Begemaale die ayi mɛmba a Ghana republic anaare eŋɛ
Zanne la	University of Ghana
Politikal paati mɛmba	New Patriotic Party

Ganzanne

Osei-Kwaku zanne la Prempeh College (Kumasi) poɔ ane Adisadel College (Cape Coast) poɔ a yi be nyɛ o Bakyila lɔɔ degeree yi a University of Ghana.

Dompole

Ane ka o kpɛ la pɔletese, Osei-Kwaku e la lɔɔyɛ tontona a o Law firm poɔ, Afriyie Chambers.

Pɔletese

Osei-Kwaku da e la Wɔɔ paati mɛmba, o da e la begemaale die mɛmba ko a Asokwa West gbandige yi 7 Gyɛnoɔre 1997 te tɔ 6 Gyɛnoɔre 2005. A 1996 Ghana gyɛmaa zaa nuuri neɛbo wagere, o da nyɛ la 42,734 nuuri naŋ manne ne 52.7% nuuri yi a nuuri zaa naŋ neɛ soŋ, ane a 2000 Ghana gyɛmaa zaa nuuri neɛbo wagere, o da nyɛ la 48,738 nuuri naŋ manne ne 74.5% nuuri yi a nuuri zaa naŋ neɛ soŋ. A Kufuor Naaŋ wagere, ba da kaa iri o la dɛpete Minisa ko yidaandɔɔloŋ yeltarre ane a puoriŋ pɔlɔ ne sarre ane kɔɔdenne Minisa. O ɔfere biibu vuoŋ o naŋ e pɔlɔ ne sarre ane kɔɔdenne Minisa, o soŋɛɛ la ka Ghana da e a CAN 2008 kyakyarre Ghana poɔ. O meŋ la soŋ la ka ba la leɛ maale ana saŋa na Ghana stadia nimizeɛ, a Accra Sports Stadium ane a Kumasi Sports Stadium (pampana Baba Yara Stadium).

Meŋɛ Nyɔvore

Osei-Kwaku da e la kiristabie ane a St Cyprian Anglican Church mɛmba, Ghana poɔ. O kpie la yedaare 13 setɔmbare 2005 poɔ.