Gbandiruŋ Yizie/Piiluu

Gbandiruŋ; Gbandiruŋ la ka neɛ areba bee madɛb naŋ kpi kyɛ ka a arebile te de a kyɛnne bee kyɛmboma. A Dagaweɛ zaa poɔ, Lɔra ane Nandom poɔ la ka ba dire kyɛne ŋa A paaloo ŋa poɔ la dɔɔ ne o puree pɔgeyaa bee pɔge ne o areba bidɔɔ na tõɔ kulitaa. A paaloo ŋa poɔ la ka dɔɔ ne o bidɔɔ da maŋ gaa weɛ. A saa naŋ da maŋ boɔra ka a koɔbo gaa nimitɔɔre na, o da maŋ te ŋmaa la kɔnɔɛ. Lɛ la ka a bie wa pɔla a da maŋ te de o kɔnɔɛ zaa kɔ a te gaŋ pɛnnɛ kyɛ bare o saa ka o naŋ gbara. Ana la ka daare kaŋa ka a bie la te annɛ o saa na a beene ka o saa arebile wa yi a weɛ ka a bieŋ te gaŋ pɛnnɛ kyɛ ka o saa koɔra. Ka a saa arebile na te de a kuuri kɔ o areba koɔnɔre na zaa. Be la ka o areba na yeli ka o ba taa boŋ zaa na ko o kyɛ ka ka onaŋ wa kpi bee daŋ ba wa kyebe, ka o wa de o tammo ne o lɔge. A Gbandiruŋ piiluu zie la a lɛ.