Nana Ama Dokua Asiamah-Adjei

Oheneba Nana Ama Dokua Asiamah-Adjei (dɔgebo bebiri 24 Gyoonoɔre 1982) e la Ghanaian pɔlitiseɛŋ aneŋ a bɛgemaala kaŋa ko Akropong Constituency naŋ be a Eastern Region a Ghana poɔ. O paati la a New Patriotic Party kyɛ paaŋ e a Ghana Trade & Industry minista ayi soba. O daaŋ la e la a Information minista ayi soba meŋ.

Nana Ama Dokua Asiamah Adjei

nensaala

Dɔɔ bee pɔge bee dɔgebo	pɔge
Dɔgebo paaloŋ	Ghana
Family name	Adjei
Dɔgebo bebiri	24 Gyoonoɔre 1982
Dɔgebo zie	Wiamoase
Kɔkɔyelii, sɛge ne bee goligoluu	Bɔrefɔ
Tonnoɔre	Pɔleteesa, businessperson
Voaraa	Member of the Parliament of Ghana, Member of the 7th Parliament of the 4th Republic of Ghana, Member of the 8th Parliament of the 4th Republic of Ghana
Zanne la	University of Ghana, University of London, St Roses Senior High (Akwatia)
Work location	Accra
Work period (start)	2017
Politikal paati mɛmba	New Patriotic Party
Ŋmene bee sagediibu	Christian

Bibiiloŋ Nyɔvore aneŋ Sakuu Gaabo Yɛlɛ

Adjei dɔgebo bebiri da la 24 Gyoonoɔre 1982 a yi Nana Osae Nyampong IV aneŋ Mrs. Aforo Asiamah-Adjei lantaa eŋaŋ naŋ be Akropong, Eastern Region. O besiki sakuu o naŋ gaa la Alsyd Academy. Ka o sɛkɔndre sakuu meŋ o naŋ gaa la St Roses sɛkɔndre sakuu. O nyɛ la o bachelor degree ne psychology a yi a University of Ghan aneŋ o master degree ne Logistics ane Supply Chain a yi a Exter University naŋ be United Kingdom. O paaŋ la kaane gaa la nimmitɔɔre ane o master degree ne Peace ane Security a yi Kofi Annan International Peacekeeping Training Centre (KAIPTC).

O Toma Yɛlɛ

Adjei da e la a manegyin daarɛta ko Bekleen Limited a yi 2007 te tɔ 2016 aneŋ Pongas Limited a yi 2007 te tɔ 2015.

O Naakõɔ Yɛlɛ

Adjei waa la a New Patriotic Party neɛ kaŋa. O na la a bɛgemaala pampana ko a Akropong Constituency naŋ be a Eastern Region a Ghana poɔ.

2016 Vootuu

A 2016 Ghana vootuu kpoŋ, o nyɛ la zunɔɔ nʒ o naŋ di a Akropong/Akuapem North Constituency bɛgemaale kogi ne a vootuu ŋa a nyɛ 26,655 ka lɛ wulo 62.3% a yi a vootuu zaa lanne taa kyɛ ka a NDC gbɛbɔge ara Yaw Appiah-Kubi meŋ nyɛ 6,949 vootuu ka lɛ wulo 16.8% a yi a vootuu zaa lanne taa. Neɛ ŋa naŋ ba areko paati zaa Asiedu Ofei meŋ nyɛ 9,092 vootuu ka lɛ wulo 21.2% a yi a vootuu zaa lanne taa aneŋ a CPP meŋ gbɛbɔge ara Gifty Mercy Anakwa nyɛ 102 vootuu ka lɛ wulo 0.2% a yi a vootuu zaa lanne taa.

2020 Vootuu

A 2020 Ghana vootuu kpoŋ, o la nyɛ la zunɔɔ ko a Akropong/Akuapem North Constituency bɛgemaale kogi a nyɛ 26,646 ka lɛ wulo 55.3% a yi a vootuu zaa zaa lanne taa kyɛ ka a NDC gbɛbɔge ara Justice Kotey Amasah eŋ nyɛ 10,505 vootuu ka lɛ wulo 21.8% a yi a vootuu zaa lanne taa. Neɛ ŋa naŋ ba be paati zaa Adjei Twumasi William Kwabena meŋ nyɛ 10,444 vootuu ka lɛ wulo 21.7% a yi a vootuu zaa lanne taa, a PNC gbɛbɔge ara Desmond Twumasi Ntow nyɛ 421 vootuu zaa ka lɛ wulo 0.9% a yi a vootuu zaa lanne taa aneŋ a CPP gbɛbɔge ara Gifty Mercy Anakwa meŋ nyɛ 146 vootuu ka lɛ wolu 0.3% a yi a vootuu zaa lanne taa.

Kommitiiri

Adjei e la a Defence ne Interior kommitii neɛ kaŋa.

O Meŋa Nyɔvore Yɛlɛ

Adjei kuli la Charles Cromwell Nanabanyin Bissue ka ba taa bidɔɔ yeni aneŋ pɔgelibilii bayi. O e la kiritabie.

O Sombore Yɛlɛ

A nyɔgevennebare 2021 poɔ, o tere la kɔmpiutare aneŋ asɛɛsere ko a mangoase Methodist sakuu naŋ be a Akuapim North constituency.

A mɛrnoɔre 2022 poɔ, Adjei tere la Gh₵30,000 libie noɔre ko a Adawso naa zaŋe maaloo. A Gyoonoɔre 2022 poɔ, o la soŋ la Akropong Daakye asibiti maaloo.