Nandɔmɛɛ Kakube Tigri Tɛgɛ Bee Pare

Kakube tigri e la tigri kpoŋ kaŋa ko Nandɔm paaloŋ deme. Ba maŋ di la a tigri ŋa yuoni la yuoni zaa.Sɛre ka ba ba di a Kakube tigri ŋa, ba maŋ nare la ba menne a kyaare ne a tigri ŋa a yi seɛ saŋa te ta Nɔvemba baaroo daa poɔ.A tigri ŋa maŋ di la ka ba leɛ teɛre lɛ ba sããkom mine saŋa kaŋa kɔŋ naŋ da kpɛ ba na. Nɔvemba beri lezare ne anii te tɔ o beri lezare ne pie daare la ka ba maŋ di o.Saama naŋ yi kɔmpareŋ ne tenne na gɔlle Nandɔm maŋ bebe la a tigri zie. Nandɔmɛɛ maŋ laŋ la taa a doge daa a yi ba bonkoɔre eŋɛ a tõɔ kaa ba Saama zu a tigri daare. Bɔl ŋmɛ,aŋlee, baa nyagre, nuuri leebu ne deɛne iruŋ iruŋ zaa maŋ bebe la a bebri dendɛŋ daare. kããloo, yelyaga ne seɛre maŋ bebe la a bebie ayi daare. A bebie ata daare seɛ pare pare,Naaloŋ yeltuuri ne kyɔɔtaare teroo maŋ bebe la. Wa nyɛ sɔgeloŋ a daare, fo koŋ baŋ nyɛ gbɛre biŋ. Seɛre maŋ kpɛɛ kãã te yele yɛlɛ. Pɔlbilii meŋ maŋ nyɛ la ba yeŋ bonne.

Kakube Tigri Tonɔ

1. A tigri ŋa diibu maŋ vɛŋ la ka baapaaba zanne ba lesire bee yipɔge.
2. Nobɔ ma baŋ nyɛ la ba yeŋ serɛ bew pɔge a be.
3. A tigri ŋa diibu maŋ tage la nobɔ lantaa.
4. Baapaaba maŋ leɛ kuli la ba yiri ka ba ne ba yideme te nyɛ taa.
5. Boŋkoɔrebɔ maŋ nyɛ la libie a yi ba naŋkoɔrɔ po