Nuule Ne Naabo Etaa

NUULEE NE NAABO ETAA

Nuulee ne Naabo la da laŋ kpeɛrɛ teŋɛ kaŋ poɔ. Nuulee yiri da be la sori na Naabo na maŋ tu a gaa naabaa te ɔɔ moɔ.

Naabo maŋ wa tuuro a sori gɛrɛ zaa ka Nuulee yie la. Lɛ la ka ba bebe lɛɛŋ ka saŋ kaŋ wa ta ka Nuulee lɔɔ gyɛlɛ. Daare kaŋ ka Naabo iri gɛrɛ ka Nuulee yie la kyɛ ka Naabo ba kyɛlle kyɛ neɛ̄ Nuulee gyɛlɛ ŋmɛre.

Nuulee naŋ yi o yoɔbo zie wa ta nyɛ o gyɛlɛ ka a ŋmare, ka Nuulee koŋ koŋ, kyɛ yeli ka see ka o meŋ dɔgre Naabo. Lɛ la ka ba bebe lɛŋ ka Nuulee bɔglɔ Naabo, ka daare kaŋ ka Naabo yi o naabaa a tege yaga, a wa tɔlɔ Nuulee yiri a nyɛ bin biŋ a soriŋ. Nuulee naŋ nyɛ Naabo bin la ka o ɛge te le Naabo bin zu, a mōɔ nimiri perɛ yaara kyɛ yele Neɛ̄ la maŋ e fo ka fo meŋ e o, neɛ la e ma ka N meŋ e o, a te puri wale kpaba, a balle o zaa.

Kankaara moorɛɛ a senseloŋ ŋa baaroo zie la a kyɛ, ka onaŋ ba wa noma yɛ lɔɔ sidi yeme ka N de te bɔ ne seere wa di

A Sensɛlɛ Ŋa Yelnyɔgeraa La Ka

A sensɛloŋ ŋa yelwulaa la ka neɛ kaŋ wa e yelfaa ko fo ta moɔrɔ ka fo meŋ e faa ko o, sɛre fo meŋɛ yi ni o zie bonso noba mine na baŋ dɔgre fo la kyɛ fo koŋ tōɔ dɔgre ba, ka fooŋ boɔrɔ ka fo dɔgre ba fo na leɛ dɔgrɛɛ fo meŋɛ bee a sāāna fo meŋɛ yɛlɛ