Obrafuor

Michael Elliot Kwabena Okyere Darko e la a Ghana yiele ŋmeɛrɛ kaŋa naŋ be a Ghana paaloŋ ŋa poɔ ka neɛ zaa baŋ o yieli yuori ka o e Obrafour. Ba dɔge o la a yuoni 1976. O e la Hiplife yieli ŋmeɛrɛ kyɛ naŋ na e rapper. Obrafour naŋ baŋ yieli la neŋ kɔmbɔŋ Kɔkɔre velaa. O yieli kaŋa naŋ daŋ yi yaga wa la "Pae mu ka", onaŋ la ka o de do neŋ kyɔɔtaare yaga. A yuoni 2000 poɔ Obrafuor wa la a yieli ŋmɛ ŋmɛ karaa a Ghana paaloŋ zaa poɔ. A yuoni 2019 poɔ, Obrafour da deɛŋ la o 20th anniversary ane a yieli " pae mu ka". O wa e la a Ghana yield ŋmɛ ŋmɛ karaa a Ghana yieloo poɔ.

Obrafour Nyɔvore Piiloŋ

Obrafour, ba dɔge o la a Obo Kwahu. O ma yuori la Gladys Agyapomaa A ba meŋ di Mr. Kwaki OkyereDarko. Obrafour da boɔra ka o leɛ lɔɔya o sakuuri zannoo poɔ kyɛ a da tõɔ nyɛ eebo a yi o ma kūū zuiŋ. Obrafour ma kpi la a yuoni 1995 ka o naŋ na be a St. Peter's Boys Senia Haae Sakuuri poɔ. O piili la o paremare Sakuuri a "New Star Preparatory Sakuuri poɔ" a yi be gaa Abetifi Secondary asaŋ na ka o paaŋ tõɔ gaa a St. Peter's Boys Senia haae Sakuuri. Obrafour naŋ e o belee na zaa kyɛ o naŋ baŋ yieli la o neŋ o ma ka ba naŋ gaa puoro yiri saŋa zaa. Be la ka o piili neŋ o yieloŋ zannoo sori.

Obrafour Yieloŋ Toma

Obrafour nyɛ la yɛŋ zaa yineŋ o ma zie, O naŋ da naŋ be a Senia Haae Sakuuri poɔ. O da maŋ te page la noba mine baŋ maŋ yiele ŋmene dieŋ yieloŋ a mesa poɔ. Wagere baŋ wa ta la ka zomenne mine de o te kpɛ neŋ a rap yieli poɔ. O da te page la Hammer a yieli poɔ ka Hammer da vɛŋ ka ba maale yieli onaŋ Obrafour ane Abraham Ohene Djan (OM Studios) A Ana zaa puoriŋ la ka o ŋmɛ a 'Pae Mu Ka' a yuoni 1999 a Accra poɔ.

A Kyɛpura kyu 2023 poɔ, O da gaa neŋ la Drake a Ghana Mireyiri poɔ kyɛ o da ba toɔŋ yi velaa a Yieloŋ kaŋa yɛlɛ eŋɛ 'Oye ohene' O naŋ da lɛ nyɔge maale eŋ ' Calling my Name' kyɛ Obrafour da ba baŋne o. A lɛ zuiŋ o da de Drake Gaa ne miredirebɛ yiri poɔ.A miredirebɛ yiri poɔ Obrafour da yeli ka Drake neɛ kaŋa waɛ la kyɛ a puoriŋ ba da ba toɔŋ yeli yeli zaa kyɛ de a yieli gaa maale boŋ yuo. O da biŋ la $10 a miredirebɛ yiri poɔ kyɛ ka ba dire a yɛlɛ. Kyɛ o ba toɔŋ nyɛ lɛ onaŋ boɔrɔ.

Obrafour Yieli Mine

• Pae Mu Ka (1999),vɛʋ

• Asem Sebe (2001)

• Tofa (2005)

• Asem Beba Dabi

• Heavy (2006)

. Tee Pa (2003)

• Yaanom

• Maame

• Kwame Nkrumah

• Kasiebo

• Still Strong(2018)

• Love Anthem(2018)

• Adom Bi(2019)