Professor Adams B. Bodomo Nyɔvore Poɔ Yɛlɛ

Adams B. Bodomo; (ba dɔge o la 1959 poɔ): O e la Ghana ane Austria deme karegyuu/porɔfɛɛsa kyaare ne Africa deme Kɔkɔrɛɛ ane Yelbaŋyizie naŋ be a Yuniveniti naŋ be Vienna poɔ, yi o 2013 poɔ. O yɛŋ zinɔnnaa peɛroo zaa zie are la Africa ne China Kɔkɔrɛɛ zannoo yeltare. O nyɛ la o 'Master of Arts' digirii sɛbenteke 1988, yi a Ghana Yuniveniti na ba naŋ maŋ boɔle ka Legɔɔn poɔ. A wa o 1997 poɔ ka o la nyɛ la o gansɛge Dɔɔtare digirii sɛbenteke kyaare ne Kɔkɔrɛɛ/Africa deme zannoo yeltare, ka naasaala meŋ maŋ tɛge boɔle ka 'Ph.D', yi Norway deme Yuniveniti kaŋa zannoo naŋ kyaare ne naasaalsoɔne yeltare. O baaroo daare yelyagesɛgeraa ka naasaala maŋ boɔle ka 'Thesis' o naŋ da sɛge yelzu la, Soe ane So-nyɛrebɛ: Yɛlɛ nandaare ane Yelbie muno gyɛl-kpeɛbo, Eroŋ Yelbikpeɛn-e yɛlɛ poɔ Dagaareŋ ane kɔkɔrɛɛ mineŋ.

                                 

                                  Adams Bodomo

Dɔgoo bebiri:          Borebo kyuu bebie 6, 1959 poɔ (yuomo 64).

Yizie:                        Ghana ane Austria zaa poɔ

                               

                                  Sakuubo o naŋ daŋ gaa puoriŋ

Sakuu-daŋ-gɛrre:   Ghana Yuniveniti naŋ be Legɔɔn, Aŋkaraŋ, a de Norway deme Naasaalsoɔne Yuniveniti

                         

Sakuu Tonnoɔre Zie

Lamboriŋ:                Africa ne China deme zanzanne yeltare, Africa nɔgere tuuree poɔ yeltare, ane Africa Kɔkɔrɛɛ yeltare.

Sakue mine o naŋ daŋ wuli la:    Norway deme Naasaalsoɔne Yuniveniti, Stanford Yuniveniti, Yuniveniti naŋ be Hong Kong poɔ, ane Yuniveniti naŋ be Vienna poɔ.

Bodomo daŋ wuli la Standford Yuniveniti, Norway deme Naasaalsoɔne Yuniveniti, a de ne a Yuniveniti na naŋ be Hong Kong poɔŋ. O e la gansɛge dɛn-ennɛ kpobaa, ka naasaala maŋ yeli ka 'editor-in-chief' a ko a Africa Luou sɛŋ kɔkɔrɛɛ zaa. A yuoni 2017 poɔ, a tendagbuli ganzanne karegyuu kpaaroo deme mine Asia teŋgbane paaloŋ poɔ da ko o la kyɔɔtaa, ba da kaa iri o la ka ona la ba wetaa poɔ zaa nennɔnaa ka naasaala maŋ tɛge boɔle ka 'ICAS' a yuoni na poɔ. A kyɔɔtaa ŋa ba naŋ da ko o da yi la o gane kaŋa o naŋ da sɛge a yuoni na poɔ ka o yi are o yoŋ kyel! o ne o taaba poɔ. A gane yelzu da la, Africa deme naŋ be China poɔ: Guangdong paaloŋ te lõɔ ne ziiri mineŋ (New York: Africa Nɔgere Gan-ŋma/pɛg Mansini, 2016).

Bodomo gansɛg-nɔnne mine o naŋ kaale laŋ taa ŋmɛyaare taŋgaraa-miri zu

Bodomo yelmennoo yelyagesɛgerre mine ka naasaala maŋ yeli ka 'articles' o naŋ ŋmɛyaare taŋgaraa-miri zu waa la moryɔrɔ lɛ a ba taa sɔroo, a mine la:

• Soe ane So-nyɛrebɛ: Yɛlɛ nandaare ane Yelbie muno gyɛlkpeɛbo, Eroŋ Yelbikpeɛn-e yɛlɛ poɔ Dagaareŋ ane kɔkɔrɛɛ mineŋ. Gansɛge Dɔɔtare digirii baaroo daare yelyagesɛgeraa, kɔkɔrɛɛ gbandigeŋ, a Norway deme Naasaalsoɔne Yuniveniti, Trondheim, Norway paaloŋ poɔ. Gampɛlɛ 306, yi 1997 poɔ. ISBN 9788278610602.
• Dagaare Meɛroŋ, Stanford Monographs naŋ be Africa Kɔkɔrɛɛŋ, CSLI duor-ŋmɛyaaroo, Stanford, USA, 1997 poɔŋ. ISBN 9781575860770.
• Africa daa-di yeltare Guangzhou gbandigeŋ: Africa so-bege piiluu ba ne China deme baaloŋ yeltare poɔ, The China Quarterly 203 (2010) 693-707, Cambridge Yuniveniti Gan-ŋma/pɛg Mansini. doi:1017/50305741010000664.
• Africa deme naŋ be China poɔ: lammogroŋ ne lesiri zannoo ane a puori yelnyɛrre ko Africa ne China deme baaloŋ yeltare poɔ, Cambridge Gan-ŋma/pɛg Mansini, Amherst, New York, 2012. ISBN 9781624993381.
• Africa deme naŋ be China poɔ: Guangdong paaloŋ te lõɔ ne ziiri mineŋ, New York: Africa Nɔgere Gan-ŋma/pɛg Mansini, 2016. ISBN 9781937306403.
• Tuuree yɛroŋ yeltare tendagbuli zaa Africa poɔ: A Europe, China, ane India deme ferebo toma, Emerald Publishing Limited, Bindgley, 2017. ISBN 9781787433588.
• O ne Augustine Agwuele (ba zaa waa la dɛn-ennebɛ), ba Routledge nu poɔ ganlee kaŋa ba naŋ da sɛge kyaare ne Africa Kɔkɔrɛɛ, Routledge, Abingdon, Oxon, 2020. Gansɛgere tutaaloŋ mine: Routledge kɔkɔre nu poɔ gambilii. ISBN 9780367581527.
• O ne Hasiyatu Abubakari ane Samuel Alhassan Issah, ba nu poɔ ganlee kaŋa ba naŋ da sɛge kyaare ne Mabiiri kɔkɔrɛɛ naŋ be Africa Luou sɛŋ, Haldane Verlag, Berlin, Germany, 2020 poɔ. ISBN 978-3-96203-117-6.
• Baabo teɛroŋ kyaare nendaare paati nɔlaŋ yeltare a tendagbuli zaa poɔ: kɔkɔre yelsooraa naŋ gaŋ Africa poɔ leɛkaabo: Yuniveniti naŋ be Vienna, Austria poɔ: nɔnyemɛ duoro lammo kaŋa, a Ghana sakuuri na naŋ kyaare Yelbaŋyizie ane Naasaalsoɔne zannoo yeltare, a be Aŋkaraŋ, Gonseɛ kyuu bebie 10, yuoni 2022, Galda Verlag, Glienicke, Berlin, yuoni 2022 poɔ. ISBN 9783962032326.

Sommo Yizie:

en.m.wikipedia.org/wiki/Adams_Bodomo