Yelwiiraa naŋ kyaara gbɛmeelɛ

Aba gbɛmeelɛ!

Fo yeli ka,

Boŋ baaloŋ la fo?

Ka fo yɛlɛ waa ŋaa,

Ka neɛ ba tõɔ fo

Aba gbɛmeelɛ!

Fo yeli ka,

Fo ba baŋ bibile?

Neŋkpoŋ togtogi,

Dɔɔ ba tõɔ fo,

Ka pɔge be yeŋ.

Aba gbɛmeelɛ!

Fo yeli ka,

Fo waa ŋa sakuliŋkuuree,

Naŋ wuoro vaala

A peerɛ noba,

Ka boŋyeni ba kyɛrɛ.

Aba gbɛmeelɛ!

A waa ŋa mɔ-kuoni vūū,

A dire ba peɛrɛ,

Ka fo yuori di Tatama,

Ka fo tēēe guuro mmeŋa

Meŋa bantaaboŋ tõɔ fo.