Zēē

Zẽẽ e la boŋ kõɔ mine naŋ be a nensaala endaa zaa eŋɛ. A maŋ yɔ yoɔrɔ la a endaa zaa kyɛ vɛŋ ka neɛ toɔŋ nyɛ laafeɛ kaŋa. Ka Neɛ sikyiri koŋ la baŋ de a zẽẽ ama eŋ bee ko a endaa zaa, a lɛ wuli ka o soba ba taa laafeɛ, bee kpie la.

Zẽẽ Parɛɛ

Nensaala taa la zẽẽ parɛɛ mine naŋ vɛŋ ka o yel-erre mine maŋ taa bee nyɛrɛ eebo a ko o soba nyɔvore. Ana la;

√ O zẽẽ

√ AB zẽẽ

√ A zẽẽ

√ B zẽẽ

A zẽẽ ama kaŋa zaa na baŋ eŋ la neɛ ka o soba zẽẽ wa baare bee ba leɛ tona soŋ korɔ o. Ba maŋ kaa la a naŋ na tu o soba bee a baala na kyɛ de eŋ o.

Zẽẽ Tɔna

Zẽẽ taa la tɔna yaga ko a nensaala endaa zaa o nyɔvore poɔ. Ana la maŋ vɛŋ ka neɛ eŋɛ taa laafeɛ, emmaaroŋ mine ka neɛ zẽẽ ba leɛ tona toma velaa a lɛ wuli ka o soba ba taa laafeɛ bee boɔrɛ kũũ. Ka neɛ ba leɛ tona toma velaa bee ka o zẽẽ baare , dɔɔtare maŋ de la bee eŋ o la a zẽẽ mine ka o soba leɛ tõɔ nyɛ o meŋɛ. Kyɛ a zẽẽ ama ba bonnɔ ennɛ neɛ , ba ma kaa la a anaŋ naŋ tu o soba na kyɛ pãã de eŋ o.

Ka ba naŋ na eŋ neɛ zẽẽ, ama la ka ba maŋ kaa kyɛ baŋ ana zẽẽ o soba naŋ na baŋ de.

• A positive (A+).
• A negative (A-).
• B positive (B+).
• B negative (B-).
• AB positive (AB+).
• AB negative (AB-).
• O positive (O+).
• O negative (O-).

Neɛ Zẽẽ Emmbo

Gbɛɛ yaga dɔɔta yie poɔ la ka ba maŋ eŋ neɛ zẽẽ, kyɛ ka a naŋ wuli ka o soba koŋ baŋ gaa a dɔɔta yiri na ba naŋ baŋ wa la a yiri poɔ a wa eŋ o.

Asaŋ na ba naŋ na baŋ eŋ neɛ zēē see ka o soba naŋ na de a zēē ama ane neɛ naŋ na iri eŋ kaa tu. A tuubu na la ba bayi zēē seŋka a e bonyeni, asaŋ na ka a dɔɔta naŋ baŋ de eŋ a baala. Gbɛɛ yaga nobɔ na zēē naŋ tutaa la ka ba de eŋ o tɔ.