Dagaare Gane Poɔ Kpeɛbo
Dagaare Gane Poɔ Kpeɛbo piili ne la Faaramine Dagao paaloŋ waabo (1930) poɔ. Ziiri na ba naŋ da daŋe zeŋe e la Gyerɛbaa ane Kaleo. A tenne ŋa ayi kɔkɔɛ la ka ba da daŋe sɛge.
Karekyeesere Gyerebaa Sakuu Yuobo
maaleŋBa da yuo la karekyeesere sakuuri Gyerɛbaa poɔ a tasoga wuo gaa ne Kaleo, a na wuli ba a kɔkɔre kannoo ane o sɛgebo ka ba na tõɔ kanne a ŋmene yelnoore a ŋmɛ a yaare.
A Kɔkɔre Zannoo
maaleŋYelmeŋɛ zaa sakuuri eŋɛ naane ka ba da sɛge a kɔkɔre. Ama, Gaana kɔkɔrɛɛ zannoo sakuuri ba naŋ da wa piili Ajumako (1972) poɔ la ka bɔnne da wuli ka a fere ka kɔkɔre zaa maŋ taa ba kɔkɔre gansɛggere mine wane. A Faaramine gama ama yoŋi la da gore, ka ba da de ana.
A Kɔkɔɛ Iruu Zannoo
maaleŋŊaa la so ka a zenɛ Dagaare ŋa te naŋ sɛgerɛ, yi ne Gyerɛbaa ane Kaleo kɔkɔrɛɛ gaŋe a kyɛlɛɛ na, neɛzaa naane pu iri a. Ka neɛŋ kaa a Dagaare ŋa, o na nyɛ la ka o pulli Manlaalee ( Kaleo paaloŋ deme ) yelbie , bonso be la ka a Faaramine da wuo a karekyeesere sakuuri yi a GYerɛbaa gaa ne, azuiŋ yelbie yaga be be la naŋ ba yi GYerebaalɛɛ kɔkɔre poɔ.