Francis Gyafiiry Korbieh

Francis Gyafiiry Korbieh e la Ghana pɔleteesa naŋ da e begemaale die mɛmba a 1st ane 2nd begemaale die poɔ a Ghana republic anaare eŋɛ, a da areko a Jirapa Gbandige a kataweɛ paati (NDC) yuori eŋɛ. O da e la begemaale die mɛmba ko a Jirapa Gbandige yi 7 Gyɛnoɔre 1993 te tɔ 6 Gyɛnoɔre 2001.

Francis Gyafiiry Korbieh

nensaala

Dɔɔ bee pɔge bee dɔgebo	dɔɔ
Dɔgebo paaloŋ	Ghana
Yo-ennaa bee yoporaa	Francis
Dɔgebo bebiri	20 Disembare 1950
Kɔkɔyelii, sɛge ne bee goligoluu	Bɔrefɔ
Tonnoɔre	Pɔleteesa, judge
Voaraa	Begemaale die ayi mɛmba a Ghana republic anaare eŋɛ, Fɔrɔ (1st) begemaale die mɛmba a Ghana republic anaare eŋɛ
Zanne la	Ghana School of Law, University of Ghana, St. Peter's Boys Senior High School
Ŋmene bee sagediibu	Kiristaaloŋ

Nyɔvore Piiluu ane Ganzanne

Ba da dɔge la Korbieh 20 Disembare 1950 poɔ Jirapa/Kunkyeni naŋ be a Ɔpa Wɛse Irigyiŋ poɔ, Ghana. O nyɛ la o sɛkɔndere ganzanne Francis Xavier Minor Seminary school naŋ be Wa, ane St. Peter's Secondary School naŋ be Kwahu. O nyɛ la a Bakyila Science degeree Lɔɔ eŋɛ yi a University of Ghana, Legon. A yi lɛ, ka o leɛ o teɛroŋ ka o te zanne a Ghana School of Law poɔ na leɛ Barrister at Law. O toŋ la lɔɔ toma ta yuomo kyɛ wa te leɛ gyɛɛgye a puoriŋ.

Politikal dompole

Ba da ɛlɛte la Francis eŋ a fɔrɔ begemaale die poɔ a Ghana republic anaare eŋɛ, 29 Disembare 1992 poɔ, saŋa na ba naŋ da wa ŋmɛ peraa ka ona la di a 1992 Ghana gyɛmaa zaa nuneɛ. O da kpɛ la ɔfere a e begemaale die mɛmba ko a Jirapa Gbandige 7 Gyɛnoɔre 1993 poɔ.

A puoriŋ, ba da la leɛ ɛlɛte o la ka o na areko o gbandige la maale a 2nd begemaale die a Ghana republic anaare eŋɛ saŋa na o naŋ da wa di a 1996 Ghana gyɛmaa zaa nuneɛ. O da daa la Kumbal Columbus Tikure naŋ e wɔɔ paati bie ane Michael Zu naŋ e People's National Convention bie. O da nyɛ la 59.60% nuuri zaa lantaa neɛ soŋ naŋ manne ne 17,555 nuuri kyɛ ka o kyakya ŋmɛ taa da nyɛ 5.40% naŋ manne ne 1,582 nuuri ane 4.60% meŋ naŋ manne ne 1,342 nuuri. O ɔfere kpeɛbo vuo o naŋ e begemaalaa da baarɛɛ 6 Gyɛnoɔre 2001 poɔ.

Meŋɛ Nyɔvore

O e la kiristabie, ane mɛmba ko a Ghana Catholic Church.